Precious

Careng angang beit nang Georgie, ica mu ing quinabie. Ania Precious ing binie dang lagiu queca.

Ana cang ca-ladylike. Patie susubuan ra cang pamangan, cala-calale ca. E mu buring atangquil ning ipan mu ing gamat mi, anguiang manabu pa ing pamangan.

Ing atatandanan cu, caiagnan mung meragul i Mr. Suabe. Ala cung agaganaca na mamialung
caiu dapot acaquit cu, maralas caiung misisiping mag-siesta.

Macatula ca. KSP ca canu ara. Ana cang caburing apisan. Mangalbit ca patie ticnangan ra cang apisan. Pati reng bisitang maralas queti, cacalbitan mu la naman.

Patie daratang i bapa mung Medring, tambing cang macasagana. E pa man mibusni ing pasbul ning cotsi na, macalele na ca. Ababalu ming atiu ia uli’ng damdaman ming paquisabian na
ca. Ana cang caburi patie atiu ia uli’ng e na ca patugutan apisan o cacaulan anguiang atin caming pisasabian.

Aniang mate ing ima mu, caibat meco i babaps, melungcut caiu ning anac mu anga quing meina
na cang mangan. I Mr. Suabe mu naman saquit-saquit ia rin canita.
Anga quing minsan a abac, e da ca aquit. Sinaua na que ngan cuculait queca. Sinalicut ca pala at licuan mu na cami rin. Adua mu iatang aldo, i Mr. Suabe meuala ia naman. Nilaut ia pa quing bale baiu ia meco mu naman.

Macalunus i Debbie. Ala neng caiabe. Ala iang caquialung. E la misane di Junior, Cutie at CP a
maquialung quecaiu.

Macanian caiu. Ot tuqui-tuqui caiung meco? Sabi da reng mangatua, patie reng sese mete
la, atin iang sasalba careng capamilia. Atlu caiung meuala. Nung maniuala cu quing ariang
ian, ninu ngan reng sasaguipan iu? Nung maniuala cu quing ariang ian, pasalamat cung
dacal quecaiung atlu. Oneng….bie capalit ning bie? Macanita tagana uari?

Posted from WordPress for Android

Advertisements

One thought on “Precious

  1. […] _________ * Ini nang timauang-paniulat sinulat neng Joey Magno Sotto at minuna iang melimbag queng caiang bilungan o uebsait a pemalaguiuan nang anti ing laguiu nang joeymagnosotto. […]

    Like

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s