Aldo Quebaitan 2014

Gems created by masters on my birthday. Truly am blessed with richness in friends. Indung Capampangan has really been good to me.

https://www.facebook.com/photo.php?fbid=10152178125115923&set

Ing Mapamulut.
Elysian Tulang Liham

Iyang mapamulut nuya man mipunta
Nung atin yang akit agyang nanu pa’yta
Damputan neng tambing, alang resa-resa
Lakwas pa nung iti tutung makayama.

Nung ketang bale na ala nang lugalan
Ike ne king kwartu o ketang ulunan,
Isaksak ne mu rin ketang pagkalangan
At nung malyari mu king babo bubungan.

Anya nung kutnan ya ining mapamulut
Asne dakal balu king pasikut-sikut,
E ya man alili nu ya man dumurut
Agyang king matulid o kaya baluktut.

Pauli ning sipag a milalu kaya
Dadamput ya mu ring malating bombilya,
Lawen-lawen na la at pagaralan pa
Saka no sisindian arap ding pamilya.

Atin ya pang metung a kaya mayakit
Ot ane katyaga king pamanyaliksik,
Pati ding bulati e sadyang akakit
Pinulut no galo’t pelalung langitngit.

Pablasang byasa ya ampo pang mawidu
Dakal ya babasan miyaliwang libru,
Pangaybat sisinup king pusu’t sintidu
Balang e mabating king datang a siglu.

King lalam makopa, luklukan at tronu
Karin no sisimen ding “best-est” na kanu,
Kabang bubusuk ing kayang sigarilyu
Pagaralang ustu’ng mesabing negosyu.

Ining mapamulut nung nuya mipunta
King detunan bale a keni disan na,
Ing amanung dimput ikua nang mebiasa
Saka gagamitan migit king minuna.

Ing bayung amanu a kebit na king lub
Pane neng tatamban king mapaling lugud
At e ne paburen ing matda nya kabud
Dapot lalabulan ban e ya mapaklud.

Ketang “Kulitan K” kaya nang selugsug
At itang pluma na pane yang tutugtug,
Deng lupang bulati masanting lindayug
Asno nayun lalon pamidusug-dusug.

King pamamoesya dinamput ya naman
Karetang “bombilya” minunang sibukan,
At mekagawa yang anti ne mong tibuan
Pablasa’ng susulat ing kayang kagiwan.

E ya Kapampangan o daya mang asu
Dapot mebyasa ya pwera king amanu,
Pati pamakyabe’t pamanggalamanu
Migit kareng belwan ding disan nang tau.

E na sa kakamua ining mapamulut
Joey Magno Sotto king dake kung dimut;
Kakung pipagalan, poesya yayabut
King kayang kebaitan rima lang malulut.

Masayang kebaitan, puge ku kang Joey
Panupaya ne sa ing yampang kung ini,
Nung e sa sosobra king lakad na ngeni
Damputan ne rin sa ing lagyu kung Ely.

(San Diego. 08 February 2014)

https://www.facebook.com/notes/elysian-tulang-liham/ing-mapamulut/595715220506493

http://siwalangsinukuan.wordpress.com/2014/04/10/ing-mapamulut

Posted from WordPress for Android

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s